Prishtina ka fituar në shtëpi ndaj Gjilanit me rezultat 2-1 në kuadër të javës së dhjetë të Superligës së Kosovës.

Kryeqytetasit e nisën më mirë ndeshje, duke krijuar më shumë raste para portës së Betim Halimit.

Kjo iu shpërblye në minutën e 43-të, kur Jalen Blesa shënoi për 1-0, rezultat me të cilin skuadrat shkuan në pushim.

Në fillimin e pesës së dytë gjërat u përkeqësuan për gjilanasit pasi mbetën me dhjetë veta në fushë pasi Melos Bajrami u ndëshkua me karton të kuq.

Por trajneri i Gjilanit, Gentjan Mezani bëri disa ndryshime dhe i futuri në lojë në pjesën e dytë Redon Ismajli arriti të barazojë shifrat në minutën e 85-të në 1-1.

Por Prishtina nuk u dorëzua dhe arriti të shënojë në minutën e pestë të kohës shtesë me Blesan, që gjeti rrjetën nga afër me kokë për 2-1.

Kjo ishte fitorja e parë e Prishtinës pas shtatë xhirosh, ndërsa tani me 16 pikë është në vendin e katër. Gjilani mbetet i shtati me 11 pikë. /Telegrafi/